De Lelie behold’n

De Lelie blef behold’n veur oons Om’n
De Oldemans verdient hier grote lof.
Hun mooie mölle zal weer in ere kom’n
en dat gif mij töt dichten stof.

O mooiste aller Ommen möl’n
Wat zage wij ow met hartzeer stoan.
Zo zachies an meer en meer vervöl’n
wij zaag’n ow al ten onder goan.

Hoe lange hej an ow fiere heufd
het schaande börd e draag’n.
Wie hef toen nog an red’n van ow geleufd
an wat veur einders zol den daag’n?

Maar in 1970 kwaamp veur ow victorie
ow einde is Goddaank nog niet in zicht.
Wij zölt ow weer anschouw’n in ow glorie
machteg meiend ’t golden licht.

Volk an de Vechte wees bli’j weer
Een stuk van oons uut vervleugen tied.
Dat blif bij oons, wat wi’j meer?
Missen wol e wij “De Lelie” ok niet.

– Dieks Makkinga